Hoxe é Martes 26 de Xaneiro de 2021

O xulgado rexeita o recurso do Concello de Redondela por ser excluído do Plan DepoRemse

RR_Noticias

A demanda fora presentada polo anterior goberno local de Javier Bas e o tribunal vén de desestimar integramente o recurso, e avala os criterios técnicos da Deputación de Pontevedra. A advirte que o proxecto presentado si superou a nota valorativa do corte, pero non puido obter a subvención “por esgotamento do crédito”.

O deputado Carlos Font valorou positivamente a sentenza do Xulgado número 2 de Pontevedra, que dá a razón á Deputación de Pontevedra e desestima “integramente” o recurso contencioso-administrativo que o anterior goberno municipal do PP de Redondela, presidido por Javier Bas, interpuxo contra a exclusión do proxecto municipal presentado ao abeiro do Plan provincial DepoRemse. Para o deputado socialista a sentenza “mostra claramente o uso intolerable e espurio que o Partido Popular fai dos medios xudiciais, amais de dilapidar o diñeiro público e utilizar os concellos nos que gobernan para unha guerra partidista, en vez de defender os dereitos da súa veciñanza”. Na sentenza que desestima o recurso do anterior goberno municipal de Redondela, a xuíza recorda que o proxecto obtivo un total de 53,09 puntos, por enriba da nota de corte situada en 50. É dicir, o proxecto si superou a nota valorativa do corte, o que da mostra da boa fe da Deputación, pero aínda así non puido obter a subvención por esgotamento do crédito, algo que estaba claramente especificado nas bases do Plan. Por todo iso, a sentenza dá a razón á Deputación de Pontevedra e desestima o recurso. No fallo xudicial, sinálase que a xuíza “non pode substituír o criterio da Comisión de Valoración” e que non existe motivo para dubidar do xuízo finalmente emitido por tal órgano.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *