Hoxe é Xoves 21 de Xaneiro de 2021

Manifestación en Arcade en defensa da sanidade pública

RR_Noticias

O BNG de Soutomaior convoca este domingo unha nova manifestación en defensa da sanidade que partirá ás 12.30 h dende o cruce de Abanca na rúa Roxelio Landeiro. Unha protesta coa que queren denunciar o colapso que sofre a atención primaria na localidade da que responsabilizan ao Sergas por non cubrir as ausencias dos médicos cando se produce algunha baixa e por manter ao concello con tan só 3 médicos malia contar cunha poboación de 7.300 habitantes.

Recentemente denunciaban dende a formación nacionalista o colapso sufrido polo centro de saúde de Arcade despois de que o SERGAS se negase a cubrir a ausencia dun dos facultativos. Unha situación que se repite periodicamente e que provoca que a listas de espera dos veciños de Arcade para ter unha cita se demoren ata os 10 días.
Lembran ademais que ao manter o ratio de pacientes por facultativo moi por riba do aconsellado fai que “os médicos de Arcade teñan menos de 4 minutos para atender a cada paciente”. Neste sentido apunta que noutros concellos con menos veciños, como por exemplo Vilaboa, conta con 4 médicos cando en Soutomaior son tan só 3.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *