Hoxe é Luns 18 de Xaneiro de 2021

Dous coches calcinados nun incendio dun garaxe en Chapela

RR_Noticias

O suceso produciuse de madrugada e saldouse sen danos persoais, malia que o lume arrasou por completo o garaxe desta vivenda situada no Camiño Ponteseca na parroquia de Chapela. O sinistro producíase en torno ás 2:35 horas da madrugada deste mércores e foi necesaria a intervención dos bombeiros de Vigo, O Porriño, Protección Civil e Policía Local.

Unha chamada dun particular alertaba ao 112 da presenza do lume neste garaxe anexo a unha vivenda particular no Camiño Ponteseca, ao final da Avenida de Vigo. Ata o lugar desprazáronse os servizos de emerxencias para tentar controlar o incendio que deixaba importantes danos materiais, como o incendio de dous coches e ferramentas que os propietarios tiñan lugar. Por efecto do lume. O teito acabou derrubándose aínda que non hai que lamentar danos persoais.
Na extinción do lume interviron os Bombeiros de Vigo e O Porriño, Protección Civil de Redondela e a Policía Local, que lograron dar por sufocado o incendio ás 4:30 horas da madrugada.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *