Hoxe é Luns 18 de Xaneiro de 2021

O espírito do Samaín estendese pola comarca

RR_Noticias

Achégase o día do Samaín e son moitas as actividades que dende Concellos, asociacións e centros culturais organizan neste 31 de outubro orientadas, principalmente, aos máis pequenos. Obradoiros, concursos e propostas “terroríficas” para unha festa que ano tras ano cobra máis pulo. En Redondela, as actividades organizadas na Alameda Castealo e na Alameda de Chapela previsiblemente desprazaranse aos multiúsos da Xunqueira e o Piñeiral polo mal tempo.

A Concellería de Xuventude organiza obradoiros de cociña e maquillaxe terrorífica, convida aos nenos a decorar as súas cabazas e propón tamén a elaboración de cestas, nuns talleres que no caso de Redondela arrancarán ás 16:30 horas mentres que en Chapela comezarán ás cinco da tarde. Malia que a ubicación inicial prevé estas actividades nas respectivas Alamedas, a mala previsión meteorolóxica apunta a que se realizarán nos Multiúsos da Xunqueira e o Piñeiral. Tamén na Alameda Castealo está previsto instalar un pasadizo do terror que estaría aberto de 18:00 a 21:00 horas.
Reveriano Soutullo
Tamén este xoves os comerciantes da zona de Reveriano Soutullo xunto con Mimarte taller creativo convidan aos nenos a participar dun concurso de cabazas que arrancará ás 17:00 horas e que contará con premios á cabaza artística e a mellor cabaza tradicional.
A Miñoteira
O centro cultural A Miñoteira de Ventosela ten tamén propostas para este 31 con maquillaxe terrorífica, bailes fantasmagóricos, pócemas máxicas e probras para todos os que se acheguen o xoves a partir das 17:30 horas.  
Reboreda
Pola súa banda, a Cultural de Redoreda organiza tamén os seus concursos de cabazas para nenos e de sobremesas para maiores ás 19:00 horas, con premios que consistirán en cheques de compra para a librería A Carambola.
Soutomaior
E para conmemorar esta data tan especial a OMIX de Soutomaior ten en marcha diferentes propostas que arrancarán o xoves cunha actividade de orientación orientada a maiores de 4 anos que arrancará ás sete da tarde.
O sábado celebrarase tamén unha tarde de medo na alameda de Talo Río onde haberá moitos xogos, unha casa do terror, castañas e espectáculos cos que se afondará na historia do Samaín. Rematará a xornada un pasarrúas co espectáculo “Draco” de Troula Animación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *