Hoxe é Sábado 28 de Novembro de 2020

O PP ratifícase na súa decisión de asistir aos actos relixiosos como grupo político

RR_Noticias

Amosan o seu desacordo coa decisión do goberno local de non acudir en representación do Concello ás procesións celebradas nas pasadas festas da Coca e critican ao BNG por “querer impor os seus criterios políticos ante a realidade de que Coca e Corpus son unha data e unhas celebracións inseparables”. Para a Popular Carmen Amoedo son “actos pagáns e relixiosos onde o concello debe estar representado”.

Os populares contestan así ás críticas recibidas dende o BNG, quen en días pasados cualificaron ao PP de “incendiarios e irresponsables por pretender sacar tallada política” da decisión do resto dos grupos da corporación, aprobada en pleno, de non asistir en nome do concello a ese actos relixiosos. Os concelleiros do PP eran os únicos membros da corporación que si aceptaban a invitación do Bispado para estar presentes nesas procesións como grupo políticos, postura que Carmen Amoedo defende porque “é absurdo querer apartarse da tradición e parécenos increíble que se nos critique por isto cando é unha tradición de sempre en Redondela”. Engadía que o “criticable é que por primeira vez o concello non estea representado neses actos” e aproveita para reiterar “a incoherencia da alcaldesa que fai unha ofrenda ante a Pregreina como deputada provincial e logo non acude a unha procesión na vila”.  

Carmen Amoedo PP
Acusa ao BNG de querer impor as súas ideas políticas
Lamenta a ausencia da alcaldesa
Recrimínalle que non asistira a procesión

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *