Hoxe é Mércores 2 de Decembro de 2020

A temporada de traíñas da Liga Galega “B” estréase en Cesantes

RR_Noticias

A categoría raíña do remo galego inaugura temporada este domingo na Liga Galega B, e vaino facer en augas da Enseada de San Simión coa V Bandeira C.C.D. Cesantes Concello de Redondela. Participarán dez embarcacións de toda Galicia e Asturias, entre elas a anfitrioa de Cesantes e a do C.R. Chapela. A regata comezará ás 12.00 horas.

Logo da presentación da temporada de traiñeiras en Sanxenxo, e dúas regatas de pretemporada, a competición oficial comeza este domingo, día 30. Para a Liga Galega B, onde militan os dous clubs de Redondela, a primeira cita será a que organiza o C.C.D. Cesantes. Logo de varios anos fóra do calendario, o club redondelán regresa á competición de traíñas. O presidente da entidade, Jorge Rodríguez, advirte que “non foi doado volver a poñer en marcha a embarcación”, xa que se trata dun deporte cunha temporada moi esixente, “que se polonga todo o verán”. Nesta ocasión a traiñeiras do club de Cesantes estará formada por varios remeiros da categoría xuvenil, á que se suman algúns veteranos “co obxectivo de darlle continuiade de cara a próximas temporadas”. Despois dunha excelente temporada de bateis e traiñeiriñas para os xuvenís do C.C.D. Cesantes, o club confía en facer tamén un bo papel na traiñeira. Con todo, o resultado deste domingo é incerto, porque as embarcacións aínda están “en período de proba e adaptándose”. Ademais Rodríguez augura que esta LGB vai sei “moi igualada”. Xunto ás dúas traiñeiras redondelás, estarán o C.R. A Cabana Ferrol, C.R. Cedeira, C.R. Vila de Cangas, C.R. Salgado Perillo, C.M. Mugardos, A.D. Esteirana, C.R. Coruxo e a asturiana de Castropol. Ao tratarse da primeira regata do ano, as quendas faranse por sorteo “e tanto podes saír a competir cos máis frouxos ou cos máis fortes”, segundo explica Jorge Rodríguez, que tamén ten dubida “de que opción pode ser a mellor”. A próxima semana tamén haberá cita co remo en Redondela, será en augas de Arealonga coa Bandeira que organiza o C.R. Chapela o sábado 6 de xullo. Neste caso con dobre cita, masculina e feminina, que ademais será a primeira regata oficial da temporada para as mulleres, na que o club redondelán participa xunto a C.R. Cabo da Cruz, C.R. Salgado Perillo, C.M. Mugardos, S.D. Tirán Pereira e C.R. Mecos Coruxo Isabel.

Jorge Rodríguez presidente do C.C.D. Cesantes
Regresan á LGT cunha traíña conformada por remeiros xuvenís e algúns veteranos que regresaron a Cesantes.
Obxectivos do C.C.D. Cesantes
Despois dunha excelente temporada de bateis e traiñeiriñas o club confía en facer tamén un bo papel na traiñeira.
V Bandeira C.C.D. Cesantes Concello de Redondela
Ao tratarse da primeira regata do ano os grupos das quendas faranse por sorteo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *