Hoxe é Mércores 28 de Outubro de 2020

Un somier e un asento de coche, entre o lixo retirado polos voluntarios do Río Fondón

RR_Noticias

A limpeza realizada na fin de semana tanto na beira como na propia canle do río, no tramo que vai dende o Camiño da Fraga ata a senda da auga, contou coa participación de numerosos voluntarios que acudiron á chamada da asociación de veciños da parroquia. Unha xornada festiva pero tamén de traballo intenso que serviu para limpar e retirar plásticos, cascallos de obra e diverso material acumulado ao longo do río.

Lousas, cementos, ladrillos e diverso material de obra, botellas de plástico, bolsas, xoguetes, cristais e incluso un somier de cama e un asento dun coche. Toneladas de lixo que foron trasladadas a un contenedor e para cuxa retirada foi necesario un traballo intenso realizado por medio cento de veciños que de xeito voluntario decidiron participar desta recollida na contorna dun río que cruza a parroquia de Chapela.
A vicepresidenta da Asociación, Angeles Méndez, manifestaba o seu agradecemento a todos os que colaboraron, veciños da propia parroquia pero tamén da Comunidade de montes de Teis que, ademais de participar nas labores de limpeza, cederon unha furgoneta para o traslado do lixo recollido.
Unha limpeza que se centrou nun tramo de menos dun quilómetro e no que foi necesario empregarse a fondo para retirar todo o lixo acumulado, o que da conta da relevancia deste tipo de iniciativas, tanto polo seu efecto directo de cara a limpar os espazos naturais, como pola labor de concienciación e sensibilización que se realiza ao denunciar a falta de concienciación que aínda existe entre unha parte da poboación, que usa o espazo de todos para depositar uns restos que deberían ir directamente aos contenedores.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *