Hoxe é Mércores 2 de Decembro de 2020

Soutomaior recupera 3.500 toneladas de area do mar para rexenerar as praias do Peirao e Matilde

RR_Noticias

Tras reducir o volume de area habitual polas mareas e as últimas choivas, o Concello puxo en marcha as tarefas de rexeneración destes areais. Para iso necesitáronse 60 barcos de area, aproximadamente 3.500 toneladas, o que supón un investimento de 22.000 euros para as arcas municipais. Os traballos de mellora nos areais contan co visto e prace da confraría de pescadores e mariscadores de Arcade e da consellería de Medio Ambiente xa que a rexeneración está a realizarse con area procedente da propia ría.

Malia que empregar area do mar resulta máis caro que a tradicional area de canteira, o seu uso garante a integración total da nova area no ecosistema natural de Arcade. Ademais, tal e como explicou o alcalde de Soutomaior, Agustín Reguera, a rexeneración dos areais, ademais de no sector turístico, tamén redunda no sector pesqueiro e marisqueiro local “ao mellorar a calidade dos areais con area autóctona, tamén melloramos a navegabilidade das embarcacións, que pola acumulación de area non podían navegar coa marea moi baixa”, destacou.
Tras o baleirado da area por parte do barco que a colleitaba a pasada semana, esta semana comezaron as tarefas de distribución, polo que os areais deberían estar completamente renovados a tempo para a tempada estival.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *