Hoxe é Mércores 2 de Decembro de 2020

Concentración contra a violencia de xénero e manifesto do Círculo Cultural de Cesantes

RR_Noticias

A praza do concello acolle este luns 6 de maio ás 19:30 horas a concentración contra a violencia machista que se convoca cada mes co obxecto de visibilizar e amosar o apoio de todos e todas ás vítimas deste tipo de violencia. Dende o concello convidan a toda a cidadanía a participar e unirse a concentración desta tarde.

Esta iniciativa, ideada e consensuada polo Consello Municipal da Muller no que participan colectivos de mulleres redondelás, partidos políticos e sindicatos, ten como obxectivo aumentar a visibilidade deste tipo de violencia e tamén sensibilizar á poboación sobre que a eliminación destas condutas violentas contra a muller, depende de todas e todos.
O acto, que se desenvolverá hoxe luns 6 de maio na praza do Concello ás 19:30 horas, incluirá ademais da propia concentración a lectura dun texto que será colleita, neste mes, do Círculo cultural de Cesantes. E como símbolo gardarase un minuto de silencio e procederase á colocación dunha lona en contra da violencia de xénero no balcón do Concello dende primeiras horas do día.
O Concello de Redondela e os membros do Consello Municipal da Muller convidan á cidadanía redondelá a participar cada mes nesta concentración mostrando así o seu rexeitamento contra a violencia de xénero e calquera outra forma de violencia e a súa concienciación da loita contra esta lacra social.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *