Hoxe é Luns 30 de Novembro de 2020

O BNG reclama a rotonda dos Valos “que se podería financiar co recadado nese punto por tráfico”

RR_Noticias

Dende a forza nacionalista, consideran que “non houbo unha aposta por parte das forzas estatais  pola seguridade viaria ” no que é un dos puntos negros da provincia. Lembran que por esta intersección, confluencia de tres concellos e estradas provinciais e estatais, circulan arredor de 15.000 vehículos diariamente e que “malia as limitacións de velocidade, rexístranse a cotío situacións potencialmente perigosas”.

Lembran que xa houbo posicionamento do Consello Parroquial de Saxamonde, do propio Pleno de Redondela e diversas iniciativas presentadas no Congreso. “O desinterese de PP, PSOE, e Podemos pola seguridade viaria nesta zona caracterizou a lexislatura, xa que deixaron de presionar para que se tomara en serio” aseguran. Dende a fronte nacionalista critican a “hipocresía” dos responsábeis de tráfico, que manteñen neste punto “un dos radares que máis recadan en Galiza, mentres que se esquecen de construír unha infraestrutura que evitaría poñer en risco a seguridade de moitas persoas”.
Aseguran que “coa inversión dun ano do recadado por Tráfico, practicamente levaríase a cabo a obra” e insisten en que “cómpre volver reivindicar a rotonda, con maior forza se cabe, e só será posíbel se a nosa organización volve ter presenza no Parlamento Español”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *