Hoxe é Domingo 29 de Novembro de 2020

O xurado declara culpable por unanimidade ao asasino de Arealonga

RR_Noticias

Logo de deliberar durante nova horas o xurado que debía determinar a culpabilidade ou non de José Luis Luna polo crime cometido na noite de San Xoán de 2017 e que acabou coa vida do mozo Daniel Beltrán foi unánime. Declararon culpable de asasinato ao autor sen atenuantes nin eximentes. A Fiscalía pide 42 anos de cadea en total e o avogado da familia, 27 anos. Será agora o titular da sala quen determine a pena a aplicar.

O xurado daba a coñecer na noite de onte o veredicto que declara culpable por unanimidade a Luna do delito de asasinato de Daniel Beltrán tras dispararlle no peito. Tamén o declaran culpable dun delito de intento de asasinato dunha testemuña que logrou fuxir así como do intento de homicidio contra os dous policía que o arrestaron. Tamén o declararon culpable de tenencia ilícita de armas.
Non contempla o xurado nin o atenuante nin eximente por trastorno mental, embriagues ou síndrome de abstinencia e denéganlle a posibilidade de pedir o indulto nin beneficio penitenciario algún.
Coñecida a sentenza queda agora por determinar as penas que terá que cumprir José Luis Luna. En principio serían 20 anos por asasinato consumado, dez por cada tentativa e dous por tenza ilegal de armas. Tamén se propón 30 anos de afastamento da familia da vítima.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *