Hoxe é Martes 20 de Outubro de 2020

Un gol que vale tres puntos

RR_Noticias

Triunfo pola mínima do Choco sobre o Laracha. Malia non facer excesivos méritos, o equipo redondelán anotou o único gol do encontro, obra de Palmá. Na Primeira Galega gañou o Arcade e na Segunda empatou o Vilar e gañou o Cesantes. Mala xornada para os equipos de fútbol sala da bisbarra, xa que ningún puido sumar a victoria. E no balonmán triunfos para o BM. Chapela feminino e masculino.

 
Terceira División
Choco 1-0 Laracha
Triunfo pola mínima do Choco sobre o Laracha. Non fixo excesivos méritos o equipo redondelán, pero o único gol de Palmás valeulle os tres puntos. Chegaban ao partido empatados a puntos os dous rivais. Con esta derrota o Laracha sitúase decimosegundo á finalización do encontro, mentres que o Choco é noveno. a un Laracha que dominou por completo a segunda metade aínda que sen inquietar a meta defendida por Cortegoso.
Os locais conseguiron porse por diante no marcador pouco antes da media hora de xogo. Foi grazas a un saque de esquina efectuado por Caloi que Gabri Palmás logrou cabecear no segundo pau para lograr o tanto que, ao cabo, acabaría decidindo o encontro. O gol facía xustiza a unha primeira metade igualada pero na que o Choco levaba a iniciativa. O Laracha limitouse a un lanzamento afastado de Boedo. Na segunda metade, os visitantes saíron cun xogo máis ofensivo, dominaron e pecharon aos de “Gonza”, que buscaban sentenciar ao contragolpe. Pero o Choco resistiu sen problemas e o Laracha non creaba ocasións claras. Aínda tiveron ocasións de ampliar a vantaxe nun contragolpe que rematou lambendo o pau. Xa co tempo cumprido, o Laracha puido empatar, pero Nacho rematou ao lateral Manu Mosquera disparou fóra. A próxima xornada de liga enfrontará ao Choco contra o Racing C. Villalbés fóra de casa.
Choco: Cortegoso; Fariña (Yago Vázquez, min. 20), Xián, Aitor Cañedo, Caloi (David, min. 77), Óscar Comis, Gabi Misa, Gabri Palmás, Antón Vilas (Félix Rial, min. 64) e Carlos Cora.
Laracha: Costa; Víctor, David Jiménez, Iago Parga Perdomo, min. 86), Antonio López, Antón (Ignacio, min. 74), Iago Branco (Iván Martínez, min. 8), Sanda, Mosquera, Iago Novo e Boedo.

Gol: 1-0, min. 22: Gabri Palmás.
Primeira Autonómica

Arcade 4-2 Castrelos
Antolín foi o protagonista no Ou Salgueirón. O dianteiro local fixo os catro goles do seu equipo, remontando os de Gabri e Yago, de penalti. Os de Soutomaior soben ao 4º posto. O domingo visitarán o campo do líder, o Portonovo.
Segunda Autonómica

Atl.Vilar 1-1 Tomiño
Juanjo, de penalti, adiantou ao Villar na primeira metade, e logo viron como o colexiado anulaba o segundo tanto, nunha decisión moi protestada. No tempo de desconto, Álvaro aproveitou un balón parado para facer o gol do empate. Os de Mon Sanromán soben unha posición, son 9º, e teñen unha saída complicada a próxima xornada. Visitan o campo do Chaín, 4º do grupo.
Caldas 2-4 Cesantes
O Cesantes trouxo os 3 puntos do Caldas nun partido moi disputado. Son 12º, e na próxima xornada reciben ao Moraña, 2º do grupo.
Tercira Autonómica

Val Miñor 1-0 Chapela
Un único gol de Gameiro deu os tres punto aos anfitrións, que manteñen o liderado. Fixo méritos o Chapela para merecer máis, sobre todo na segunda parte, pero estivo falto de acerto. O Chapela, que mantén o 4º posto, volve xogar fóra. Visita ao S.Miguel, qu eé 6º, a tres puntos dos redondeláns.
Oiense 1-2 Nespereira
O Nespereira fíxose co duelo no pozo da táboa e impúxose no campo do pechacancelas. Na próxima xornada reciben a un dos equipos fortes do grupo, o S.Esteban, 3º do grupo.
Soutomaior 8-0 Cobres
Tres goles de Davicín, dous de Reborido, xunto aos de Borja, Álex e Barbosa, sumaron a goleada dos locais. E puideron ser máis con varios tiros ao pau de Davicín, que xa suma 22 dianas. O Soutomaior vmanteñen o 2º posto da táboa, e o domingo mediranse ao líder en Pontecaldelas, que suma 3 puntos máis.
Fútbol Sala Terceira División

Carballiño F.S.4-2 Campito
Mala xornada para os equipos de fútbol sala da bisbarra, xa que ningún puido sumar a victoria. Os de Chapela perderon co Carballiño, e regresan a postos de descenso. Na próxima xornada volven xogar fóra, na pista do F.S. Bueu, 7º do grupo.
Pazos 2-4 Estrada Futsal
Os de Fran Amoedo manteñen o liderado do grupo, pero con menos vantaxe sobre os perseguidores, logo dunha inexplicable derrota ante o Estrada Futsal, o pechacancelas do grupo. Foi un encontro no que os locais nunca se sentiron cómodos e, malia poñerse por diante no marcador 2-1 os visitantes conseguiron darlle a volta ao partido e levar os tres puntos de Pazos. A vindeira semana volvens xogar en Pazos, reciben ao GRI Carballiño, segundo clasificado a tan só 1 punto de distancia dos de Amoedo, logo da vitoria sobre o Campito.
Preferente Sur

Abetos Gondomar 8-2 Redondela Maramar
Abultada derrota do Redondela en Gondomar. O equipo local mantén o 9º posto, e a próxima xornada recibe ao Copefri Beade, 5º.
Balonmán División de Honra Prata Feminina

Cíes Obra Civil Chapela 23-21 Magope
Por fin o Cíes Obra Civil Bm. Chapela conseguiu inaugurar o seu marcador coa primeira vitoria da temporada, malia que non lles permite abandonar o último posto da táboa. Na próxima xornada viaxan a Canarias para medirse ao Zonzamas (9º)
SAR Rodavigo 15-18 CdC Lavadores
Unha mala primeira parte da SAR impediu recortar a distancia suficiente na segunda parte do encontro. As de “Chini” están no 8º posto, e a próxima xornada viaxan a Asturias para medirse a un Siero moi necesitado de puntos.
Primeira Nacional Masculina

OAR Coruña 20-35 Rodosa Chapela
O Rodosa Chapela segue na zona alta da táboa logo de ñar sen problemas a un OAR que se afunde un pouco máis na zona de descenso. O Rodosa defenderá a 5ª praza do grupo en Chapela ant eo Xixón (8º).
Primeira Autonómica

Culleredo -SAR PlasticOmnium aprazado
Na próxima xornada o equipo de autonómica reciben en Redondela ao C.Ourense, que é 7º.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *