Entra en funcionamento a páxina www.bastapeaxerande.org para recoller firmas contra a peaxe. O obxectivo é incrementar o número de persoas que asinen esta petición que xa está a disposición dos veciños de xeito presencial en diferentes puntos do municipio. O concello trasladará estas firmas a Fomento na reunión da comisión mixta de Xunta e Ministerio en Madrid na que teñen previsto estar presentes.
Dende o concello destacan a necesidade de promover a protesta tamén nas redes sociais. Os usuarios poden asinar a petición en papel nos edificios públicos do Concello ou a través dunha páxina online que se prolongará ata o vindeiro 6 de febreiro. Durante este tempo, os cidadáns que desexen participar na protesta poderán facelo tanto a través de Internet como de xeito presencial.
Ademais, participan nesta iniciativa entidades da vila como a Asociación de Empresarios de Redondela e os distintos establecementos comerciais e hostaleiros.
Nos próximos días, está previsto que o Concello organice a seguinte xornada de manifestación que, previsiblemente será unha protesta en moto pola ponte de Rande.
