Hoxe é Sábado 31 de Outubro de 2020

Paxaretas presenta unha moción para declarar persoas non gratas a “La Manada”

RR_Noticias

A Asemblea feminista vén de presentar no rexistro do Concello de Redondela unha moción para que o goberno local aprobe no vindeiro pleno a declaración de persoas non gratas aos cinco membros de “La Manada”, acusados de agresión sexual a unha moza no San Fermín de 2016. Logo da decisión do tribunal de non prolongarlle a prisión preventiva aos cinco acusados, o colectivo feministra redondelán considera urxente dar un paso máis.

Entenden que as corporacións municipais son a expresión do mandato cidadá, e que é neceario que estas recollan o clamor da rúa, o pensar e o sentir de miles de mulleres e homes ante a inxusta resolución xudicial que vai en contra da liberade de máis da metade da poboación, as mulleres. Porén solicitan á Corporación o veto de José Angel Prenda, Alfonso Jesús Cabezuelo, Jesús Escudero, Ángel Boza e Antonio Manuel Guerrero en todo o concello de Redondela.Paxaretas engade que “é coñecido e notorio que “La Manada” non ten amosado o máis  mínimo arrepentimento”. De feito, os cinco teñen defendido publicamente o seu desprezo pola vítima e sitúan o acontecido nun plano de normalización, elevando o sucedido a consentimento.Con esta medida o colectivo feminista, que xa promoveu distintos actos reivindicativos desde que se coñeceu o caso, quere trasladarlle a súa solidariedade á vítima ademais de facer un chamamento a que todas e todos aqueles que sufran abusos ou agresións sexuais rompan o silencio e o denuncien.Unha moción que se suma a iniciativas semellantes que xa se presentaron noutros municipios de España.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *