Hoxe é Martes 20 de Outubro de 2020

Un nome de muller para a Biblioteca de Chapela

RR_Noticias

O Concello de Redondela convida aos veciños e asociacións do municipio a participar na elección dun nome para a Biblioteca de Chapela. Este ano celébrase o 50 aniversario da Biblitoeca Municipal Valle-Inclán. Co gallo desta efeméride propoñen que a cidadanía bautice á Biblioteca de Chapela. Nas bases establécese que a proposta debe ser dun nome vencellado coa literatura e a cultura galegas, preferentemente de muller.

Xurxo Martínez, responsable do Servizo de Normalización Lingüística do Concello, explica tamén que non se admitirán aqueles personaxes “que xa conten cun espazo público dedicado a eles no momento da presentación da candidatura” nin aquelas que non estean fundamentadas e documentadas. As propostas pódeas realizar calquera persoa ou entidade xurídica no rexistro municipal. Pódense presentar como máximo tres nomes. O prazo de presentación de candidaturas ábrese o 1 de xullo e pecharase o 30 de setembro. O anuncio da elección do nome farase público o 2 de outubro. As bases da convocatoria poden consultarse na web do Concello de Redondela así como no blogue das bibliotecas municipais. A elección do nome entre todas aquelas propostas que se presenten será levada a cabo por un tribunal técnico integrado por persoal das bibliotecas, do Servizo de Normalización Lingüística, o Arquivo Municipal, un representante do equipo de goberno e o secretario municipal.  

Xurxo Martínez SNL
O responsable do servizo de normalización fálanos das bases.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *