Hoxe é Domingo 4 de Decembro de 2022
Stations
NOTHING FOUND!
Current listeners: 
Peak listeners: 

A Coral Polifónica de Soutomaior aposta pola música pop

RR_Noticias

O seu novo disco “Sorriso de Burbullas” inclúe varias pezas de pop moderno arranxadas para o xénero coral e foi gravado durante o pasado concerto de fin de ano. O concerto de presentación, celebrado esta pasada fin de semana, contou coa participación das corais de Entenza e Santa Eulalia de Mos.

A idea é afastarse un pouco do repertorio tradicional das corais e atraer á xente máis nova con cancións máis modernas, explica o director da coral, Javier Comesaña, que engade que son pezas dos anos 70, 80 e 90, de pop lixeiro moi agradable de escoitar. Son cancións que gustan aos mozos porque as coñecen e sorpréndelles que un grupo coral as interprete.
Un dos motivos que impulsaron a inclusión desta clase de temas no repertorio da formación é a idade media dos participantes, moi por baixo da habitual nesta clase de agrupacións, xa que moitos non chegan nin os 30 anos.
A orixe da Coral polifónica de Soutomaior remóntase aos anos 70, cando a agrupación naceu como un coro parroquial. Hoxe en día conta con 20 membros procedentes, principalmente, do Concello de Soutomaior.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará