Hoxe é Mércores 25 de Novembro de 2020

Redondela redistribúe os contedores de reciclaxe do casco urbano

RR_Noticias

A retirada de colectores das rúas do casco urbano está a provocar críticas por parte dalgúns veciños que entenden que esta decisión vai en detrimento da reciclaxe. Dende a Concellería de medio ambiente defenden a iniciativa “está demostrado que un maior número de colectores non supón unha maior implicación da poboación na separación e reciclaxe dos residuos” e argumentan a decisión porque se busca “menos puntos máis concentrados para evitar que os camións de recollida fagan tantas paradas, o que supón maior contaminación”.

O edil de Medio Ambiente, Miguel Ángel Álvarez explica tamén que se busca “evitar o feísmo que levan aparellados estes colectores”. Os colectores retirados están a ser substituídos por outros de maior tamaño e capacidade “os antigos tiñan unha capacidade de 2400 litros e os novos son de 3200, o que supón que non son necesarios tantos colectores para reciclar a mesma cantidade de lixo”. “O que se enchufa, recíclase” Logo de pasar por Chapela chega a Redondela, ata o vinderio 22 de decembro, esta campaña que busca concienciar á cidadanía sobre a necesidade de reciclar todo tipo de electrodomésticos, tamén os de menor tamaño así como calquera residuo de aparatos eléctricos ou electrónicos. Unha iniciativa que reparte contenedores entre os diferentes establecementos como as tendas e os supermercados, nos que os veciños pdoerán depositar os aparatos inservibles. Os obxectivos que perseguen con esta campaña son combater os efectos negativos da vertedura incontrolada dos residuos de aparellos eléctricos e electrónicos, especialmente os máis pequenos, eliminar as prácticas ilegais asociadas a súa xestión e informar a cidadanía sobre a importancia do correcto tratamento do refugallo mediante unha tripla acción: reparar, reutilizar e reciclar.  

Miguel Ángel Álvarez edil medio Ambiente
Menos colectores máis concentrados
O que se enchufa recíclase
Unha campaña que chega a redondela ata o día 22

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *