Hoxe é Venres 30 de Outubro de 2020

Redondela reparte 12.000 € entre as asociacións para programas de promoción da igualdade

RR_Noticias

A Concellaría de Muller e Igualdade de Redondela convoca novamente axudas para actividades e programas de promoción de igualdade para asociacións e colectivos veciñais. A convocatoria está pensada para que desde o tecido asociativo tamén se sensibilice e promova o valor da igualdade.

Poderán solicitar estas axudas municipais aquelas asociacións de mulleres e vocalías da muller de entidades veciñais ou culturais que teñan representación no Consello Municipal da Muller. Estas axudas, que ascenden a 12.000 euros, repartiranse entre as solicitudes en base a criterios obxectivos. Deben ser actividades que promovan a igualdade real e efectiva de mulleres e homes en todos os ámbitos. Poñen como exemplo programas que promovan a conciliación, corresponsabilidade e igualdade nos fogares, que difundan os dereitos das mulleres, de asesoramento cara a procura de emprego, de información e prevención da violencia de xénero, de saúde en problemáticas específicas de muller, ou de promoción do deporte feminio, entre outras. Para presentar a solicitude as asociacións disporán de 15 días hábiles contados a partir do día seguinte ao da publicación das bases no Boletín Oficial da Provincia.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *