Hoxe é Sábado 28 de Novembro de 2020

Gómez Noya reina en Cesantes

RR_Noticias

A IV Travesía a Nado San Simón contou cun altísimo nivel, nunha xornada de sol e gran participación. O galego, cinco veces campión do mundo, subiu ao máis alto do podio. Na categoría feminina Anneke Jenkins foi a vencedora. Os primeiros redondeláns en chegar á meta foron Antía Collazo e Eugenio Míguez.

A travesía foi todo un éxito de público e de participación na súa cuarta edición, e brillou polo altísimo nivel dos participantes, entre os que estaban algúns dos mellores a nivel mundial. É o caso do triatleta ferrolán Javi Gómez Noya, que se impuxo o sábado en augas da enseada de San Simón. A proba, organizada pola Asociación Deportiva CAR, en colaboración co Concello, contou con 222 nadadores. O cinco veces campión do mundo de tríatlon suboi ao máis alto do podio, seguido por Pablo Dapena e Vicente Hernández. Na categoría feminina houbo tamén un altísimo nivel, con triunfo para a neozelandesa afincada en Pontevedra Anneke Jenkins, que chegou dous minutos despois de Gómez Noya, na sexta posición xeral. A segunda clasificada na categoría feminina foi Ana Pérez García-Pichel, e completou o podio Ana Cotos. Antía Collazo Ferradáns, do Club Natación Redondela, foi a cuarta muller en completar a proba, 20ª na xeral, e recibiu o premio á participante redondelá máis rápida. Na categoría masculina a distinción para o mellor local foi para Eugenio Míguez González, 34º na xeral.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *