Hoxe é Mércores 28 de Outubro de 2020

O Choco supera ao Coruxo en Santa Mariña con goles de Antón Escobar e Ricar

RR_Noticias

Dous dos xogadores máis novos dos que onte tiveron minutos no campo de Santa Mariña foron os responsables da vitoria redondelá. Foi no amigable máis importante da pretemporada, o que enfrontaba ao Choco e ao Coruxo, co conxunto de Terceira división superamdp a todo un Segunda B por 2-1.

Choco 2-1 Coruxo
Os do Vao adiantáronse no marcador, pero os de Marcos Montes déronlle ao resultado logo de dominar o xogo e xerar máis ocasións, sobre todo na segunda metade. Antes do descanso o encontro tivo altibaixos, ata que chegou o gol do Coruxo, por medio de Campillo. Logo do paso polos vestiarios chegaron os cambios e tamén o xogo mudou. Os máis novos do Choco cobraron protagonismo, con todo, antes foi clave o veterano porteiro Cortegoso, que evitou unha clara ocasión de Rafa Mella. Na seguinte acción de ataque, foi Antón Escobar o que recolleu un balón en longo e superou a Sergio. Co partido igualado, o Choco tivo máis ocasións que o equipo vigués, ao que non lle sentaron ben os cambios. Logo Ricar entrou por Escobar, que gañou un balón en longo e superou a Sergio. Aínda hoibo outra ocasión para o extremo Óscar Chiqui, pero non acertou no man a man. O partido rematou co 2-1 para os redondeláns malia os intentos de empate do Coruxo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *