Hoxe é Venres 27 de Novembro de 2020

O BNG esixe o traslado de Servizos Sociais ao local municipal da urbanización de Regojo

RR_Noticias

O Concello de Redondela dispón na zona dun local de 300 metros cadrados grazas a unha compensación urbanístico acordada na época do goberno bipartito. O voceiro nacionalista, Xoán Carlos González, apunta que este local pode albergar as dúas unidades de servizos sociais de Redondela, que atenden a preto de 20.000 veciños, e o Centro de Información á Muller.

A construción de dous bloques de vivendas na rúa 8 de marzo en Vilavella, foi aproveitada polo BNG, daquela no goberno municipal, para xestionar un novo local para o departamento de servizos sociais. Trátase dun novo elemento no mapa de equipamentos ao servizo da cidadanía, segundo explica González, “deseñados no seu día polo BNG” coa unidade de servizos sociais, a Escola de Educación Infantil en Chapela, o Centro de Día de Cesantes e o Centro de Día de Trasmañó”. Advirte que se trata de reubicar “un servizo básico” en condicións de calidade “para as traballadoras e os usuarios”. O grupo nacionalista critica que non exista ningunha partida para este equipamento “mentres centos de miles de euros se van en asfaltado”, e lamentan que se “desperdicie” unha boa oportunidade para poñer os servizos sociais de Redondela “onde a veciñanza merece”. Afirma Xoán Carlos González que o obxectivo do alcalde, Javier Bas, é converter os servizos sociais “en atención á beneficencia”. O BNG propón outro modelo, impulsando uns servizos sociais de calidade “como un dereito da cidadanía”. O voceiro nacionalista esixe a inmediata creación dunha partida orzamentaria para que se realice o traslado deste departamento ao novo local da urbanización de Regojo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *