Hoxe é Mércores 22 de Setembro de 2021
History
Stations
NOTHING FOUND!

Deporte, excursións, praia, veladas e moita diversión no XIX Campus do Balonmán Chapela

RR_Noticias

Un ano máis achéganse as vacacións escolares e con elas as ofertas de campamentos para os rapaces. Un dos clásicos en Chapela é o que organiza o club de balonmán da parroquia nas instalacións do pavillón municipal. Do 10 ao 15 de xullo ofrecen unha semana de diversión para nenos e nenas desde os 5 ata os 15 anos.

No campamento os participantes practicarán balonmán, pero tamén outros deportes. Antonio Sánchez “Bicho”, un dos organizadores, explica que se trata dunha actividade coa que o club consolida “a súa canteira” ao tempo que ofrece ás familias unha alternativa de ocio saudable e divertida para os rapaces na época estiva. No Campus ofrécese moita máis que balonmán, xa que os participarntes practicarán outros deportes como volei praia ou sendeirismo. Pero tamén terán tempo para realizar actividades lúdicas, excursións, xogos de auga, concursos e ata veladas nocturnas, xa que pernoctarán dúas noites no pavillón. O XIX Campus Balonmán Chapela é unha boa alternativa para a conciliación familiar e laboral, xa que ofrece un amplo horario. As actividades comezan ás 10.00, pero xa desde as 8.00 hai monitores encargados de facerse cargo daqueles nenos que, por necesidade das familias, deben entrar máis cedo. Os rapaces comen e merendan no pavillón, e as actividades rematan ás 19.30. Agás o mércores e o venres, que teñen velada nocturna. O prezo da actividade é de 60 euros, e os interesados poden inscribirse no club, ou a través dos teléfonos 630.850.698 ou 661.493.235.

Antonio Sánchez "Bicho" organizador
O campamento está dirixido a rapaces desde os 5 ata os 15 anos.
Deporte e diversión
Ademais de balonmán practican outros deportes e realizan excursións xogos de auga e veladas nocturnas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *