Hoxe é Xoves 22 de Outubro de 2020

Preto dun cento de patinadores participarán en Redondela no Campionato Escolar de Grupos Show

RR_Noticias

O pavillón da Marisma acollerá a proba este sábado, día 20, organizada polo club Bolboreta. Máis de 90 rapaces e rapazas de entre 6 e 16 anos estarán na pista, chegados de diferentes clubs de Tui, Vigo, Gondomar, Ourense e Redondela.

O Concello de Redondela acolleu esta mañá a presentación do Campionato Provincial Escolar de Grupos Show “Xogade”. O concelleiro de Deportes, Julio Mougán, agradeceu que a Xunta de Galicia confiase a Redondela a celebración deste evento, que atraerá á vila a centos de persoas. Tamén salientou “o bo traballo” do club local Bolboreta, organizador da proba, tanto polos seus éxitos deportivos como pola promoción deste deporte no municipio. O club redondelán conta na actualidade con 140 licencias, entre os federados e os alumnos das escolas deportivas nos colexios de Reboreda e Cesantes, ás que o próximo curso se sumará o CEIP de Cedeira. Moitos deportistas, segundo explica o presidente José Albán, para tratarse dun deporte “caro” e que supón “un esforzo” para as familias. Por iso desde o club tentan aforrar gastos eleborando os seus propios traxes e colaborando coas familias. Guillermo Reinaldo, da Delegación da Xunta para o Deporte, destacaba a “espectacularidade” desta modalidade de Grupos Show dentro da patinaxe. O campionato será no pavillón da Marisma de Redondela o sábado, día 20, con sesión de adestramentos pola mañá. A competición comezará ás 17.00 horas. Os primeiros en saltar á pista serán os grupos de primaria, con patinadores de entre 6 e 12 anos, dos clubs Ribex, Ourela, Bolboreta e Balaídos. A continuación competirán os grupos pequenos de secundaria, para dar paso aos cuartetos. Os últimos en participar serán os grupos grandes de secundaria, formados por deportistas de entre 16 e 16 anos, cos grupos de Balaídos e Bolboreta. O club redondelán participará co espectáculo “The winter is coming”, co que se proclamaron gañadoras do torneo internacional disputado en Vigo. Un éxito polo que Albán se sinte “moi agradecido” coas deportistas, xa que se trata de adolescentes moi comprometidas co traballo diario do club e que “sacrifican” o seu tempo de lecer para cumprir cuns esixentes adestramentos.

Julio Mougán concelleiro de Deportes
Mougán salienta o bo traballo do club Bolboreta
Guillermo Reinaldo da delegación da Xunta
Reinaldo salienta a espectacularidade desta modalidade dentro da patinaxe.
Jose Albán presidente do Bolboreta
O club crece en número de fichas ano tras ano.
Éxito froito do esforzo
Albán destaca o compromiso das súas deportistas co traballo e os adestramentos ao longo do ano.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *