Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Un veciño de Redondela elude o cárcere malia confesar que abusou das súas fillas menores

RR_Noticias

O acusado enfrontábase inicialmente a 12 anos de prisión por abusar das súas dúas fillas menores durante máis de tres anos en Redondela. Un acordo de conformidade coa Fiscalía e a defensa permitiu reducir a condena a unha pena mínima de 2 anos polo que finalmente eludirá o cárcere.  En concepto de responsabilidade civil deberá indemnizar a cada nena con 1.500 euros.

No proceso está tamén acusada a súa exesposa e nai das nenas xa que tería consentido e incluso propiciado os abusos. Sen embargo, a muller non compareceu polo que a sala ditou orde de busca e captura e o seu ingreso en prisión.
Os feitos remóntanse ao ano 2008 e prolongáronse ata o 2011. Ao longo dese período o condenado aproveitándose da confianza propia da relación familiar someteu ás nenas a abusos sexuais de xeito repetido, primeiro no domicilio familiar e posteriormente, unha vez divorciado, durante as visitas que as súas fillas facían á casa do acusado.
A raíz do acordo entre Fiscalía e defensa, no que se tiveron en conta diversas circunstancias, fudamentalmente a súa colaboración coa xustiza, o home foi condenado como autor de dous delitos de abusos sexuais, un deles continuado, e xunto ao dous anos de cárcere acordouse a retirada da patria potestade e a prohibición de achegarse ou comunicarse durante doce anos coas nenas, que pasaron a tutelada Xunta no 2012. O acusado non entrará no cárcere e deberá pagar unha indemnización de 3000 euros ás fillas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará