Hoxe é Xoves 16 de Setembro de 2021

Aulas baleiras nos colexios e institutos de Redondela

RR_Noticias

O alumnado secunda masivamente unha folga no ensino que está a ter pouco seguimento entre o profesorado e que busca a derrogación da LOMCE e a reversión dos recortes no ensino. Nos institutos de Redondela o seguimento foi masivo entre os rapaces, xa que en torno a un 90% non acudiron aos centros educativos nesta xornada. Algo menor a participación nos colexios, nos que o paro situouse en torno ao 70/80% con máis seguimento en centros como o Alexandre Bóveda, Santa Mariña e Cedeira. Menor repercusión está a ter o paro entre o profesorado, cun seguimento nos centros de Redondela en torno a un 20%, agás en Cedeira e Santa Mariña, colexios nos que esa participación chegou ao 50 e 40% respectivamente.

Nos institutos o seguimento foi masivo entre os rapaces, xa que en torno a un 90% non acudiron aos centros educativos na xornada de hoxe. Os institutos de Redondela, tanto o Mendiño, Pedro Floriani como o San Simón e o instituto de chapela estaban hoxe coas aulas practicamente baleiras. Máis rapaces nos colexios, aínda que tamén secundaron maioritariamente a protesta os alumnos do Colexio Santa Mariña e Cedeira, en torno a un 90% ou no Alexandre Bóveda onde un 96% do alumnado ausentouse das aulas, asistindo a clase tan só 16 alumnos dun total de 219.
Nos colexio Santo paio de Abaixo en Reboreda, en Porto Cabeiro e en Laredo o seguimento foi dun 80% e en torno a un 70 situouse a participación nos colexios de Outeiro das Penas e Igrexa. Menor foi a participación en Quintela, onde secundaron a protesta o 60% dos alumnos.
Pouco seguimento pola contra entre o profesorado con cifras que roldan o 20% na maior parte dos colexios e institutos. Menor participación entre os docentes dos Instituto San Simón, centro no que tan só un 10% do profesorado secundou a protesta, mentres que no resto dos institutos a porcentaxe varía entre un 20 e un 30%.
Nos colexios o seguimento foi importante no Centro de Cedeira, onde o 50% do profesorado secundou a folga e no Colexio Santa Mariña onde foron 13 os profesores que decidiron facer folga dun total de 32 (en torno a un 40%), un 30% tamén se sumou a protesta no Alexandre Bóveda mentres que no resto dos centros a participación reduciuse a menos dun 20% do profesorado.
Esta é a segunda folga xeral na educación en catro anos, a última foi en 2013, e é a primeira con Íñigo Méndez de Vigo como ministro de Educación.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *