Hoxe é Xoves 28 de Xaneiro de 2021

O Campito chega ao derbi nos postos altos da táboa

RR_Noticias

O equipo de Chapela lograba unha importante vitoria na súa visita ao campo do Valadares. Un 4-6 que lle permite escalar ata o cuarto posto da táboa en vésperas do derbi local que se disputará na vindeira fin de semana no pavillón da parroquia ante un Arealonga que non levanta cabeza e que caía ante o líder, o Lume Corbatas por 1-2. Boa xornada para o Redondela que se facía cos puntos en xogo ao vencer por 4-2 ao Verín.

O equipo senior do Redondela volvía atopar esta fin de semana a vitoria ante o Verín. Dous tantos de Miguel, un de Borja e un de Dani déronlle o partido ao Redondela que se sitúa na oitava praza da autonómica sur e que na vindeira semana xogaran cun dos favoritos da categoría, o Cereixa Gondomar, situado na segunda praza.
Tamén bos resultados para o Campito que se desprazaba ao campo do Valadares e lograba traerse os puntos para casa logo de vencer por 4-6. Unha vitoria importante que lle permite ascender á cuarta praza en vésperas dun derbi que na vindeira fin de semana os vai enfrontar ao Arealonga, en peor situación logo da derrota ante o líder.  O Arealonga caía por 1-2 ante o Lume Corbatas e son agora 14 do grupo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *