Hoxe é Martes 11 de Maio de 2021

Libre con cargos o mozo de Redondela detido como presunto autor dunha violación a unha menor

RR_Noticias

O mozo, V.M.C.Z. de 26 anos de idade e veciño de Redondela pasou onte a disposición do Xulgado de Instrución número 2 do Porriño por un presunto delito contra a liberdade sexual. O Xulgado decretou a súa posta en liberdade con cargos, impoñéndolle como medidas cautelares a obriga de comparecer semanalmente ante o xulgado e a retirada do pasaporte. Os feitos tiveron lugar na madrugada do paso luns  cando o investigado tería agredido sexualmente a unha menos de 16 anos  durante unha festa de carnaval en Salceda de Caselas.

O mozo foi detido horas despois, na tarde do martes logo de que a propia menor trasladara os feitos a unha patrulla da Garda Civil. Segundo o relatado pola vítima “o mozo, logo de gañares a súa confianza, levouna a un lugar apartados e forzouna sen o seu consentimento”. A menor foi atendida no PAC de Porriño e posteriormente trasladada ao Hospital Álvaro Cunqueiro, de Vigo, onde lle praticaron as probas pertinentes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *