Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Dous goles de Gabi Misa dan a vitoria ao Choco

RR_Noticias

Protagonismo para o xogo a balón parado no partido disputado en Santa Mariña, con Gabi Misa como artificieiro. O futbolista do Choco anotou dous goles na vitoria do equipo de Redondela ante o Negreira. Suma así catro triunfos nos últimos seis partidos, o que permite ao equipo situarse na décimo cuarta posición, cunha marxe de cinco puntos sobre o descenso.

Terceira División

Choco 2-0 Negreira
Marcos Montes apostou por Félix de dianteiro centro con Ricar na banda, por mor das molestias físicas de Silva. O primeiro tanto de Gabi Misa chegou a nove minutos para o descanso, cando transformou unha falta dende a frontal da área. Na segunda metade houbo que agardar case media hora para ver como os redondeláns ampliaban a marxe. Ricar adiantouse ao defensa na área cando ía despexar, e atopou a perna do atacante local. Pena máxima e transformación de Gabi Misa. O Choco, paso a paso, afástase da zona baixa. O domingo no campo do Barbadás, da metade da táboa.
Choco: Cortegoso, Gonzalo, Javi González, Lucas, Gándara, Alberto Suárez (Moli, min. 84), Marcos Pérez (Caloi, min. 64), Gabi Misa, Comis, Ricar (Silva, min. 73), Félix.
Negreira: Mario Barreiro, Pignol, Rendo, Roberto Amoedo, Santaló, Cao, Cea (Pedrosa, min. 80), Juan López (Liñares, min. 67), Tato (Sergio González, min. 59), Betúa, Stefan.
Goles: 1-0, min. 36: Gabi Misa; 2-0, min. 73: Gabi Misa, de penalti.
Segunda Autonómica

Louro 1-1 Choco B
Reparto de puntos no campo do Louro, que deixa ao Choco B na terceira praza. O domingo reciben en Redondela ao Sampaio, da parte baixa da táboa
S. Andrés 1-5 Arcade
O Arcade goleou a domicilio ao S.Andrés, o que lle permite manterse nunha posición cómoda da táboa. O domingo poderán seguir sumando, reciben ao Vilagarcía, pechacancelas do grupo.
Terceira Autonómica

Atl. Vilar 0-2 Peña Beretes
Sorpresa no derbi local coa vitoria do Peña Beretes, que deixa de ser o pechacancelas do grupo, posto que ocupa agora o Alcabre, mentres que o Vilar se afunde un pouco máis. A próxima xornada o Vilar descansa, e o Beretes Chapela recibe ao Peñasco.
Vincios 1-1 Chapela
Reparto de puntos logo do duelo no cumio, e a cabeza da táboa segue como estaba, cos dous equipos liderando a táboa empatados a puntos. Na próxima xornada o Chapela recibe ao Casabranca, nas últimas posicións
E. Dorada 0-8 Cesantes
Os redondeláns manteñen a terceira praza do grupo logo de golear ao pechacancelas. Na próxima xornada reciben ao Cuntis.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará