Hoxe é Martes 7 de Decembro de 2021
Stations
NOTHING FOUND!
Current listeners: 
Peak listeners: 

Dúas afeccionadas do Choco gañadoras do concurso Quen é a muller da foto?

RR_Noticias

O Choco dá a coñecer que dúas das súas afeccionadas acertaron a adiviña coa que a entidade quixo estimular a captación de abonos durante os últimos meses. Mari Cruz Bastos e Mari Quinteiro cumpriron os requisitos e descubriron que Carmela Rafael “a do Porrón” era a muller do cartel. Deste xeito, as seguidoras recibirán os dous principais premios en xogo, un abono anual e unha camisola da nova equipación do equipo.

Debido ó reducido número de gañadores, o sorteo farase no mesmo campo de Santa Mariña no descanso do vindeiro partido na casa do equipo, que será o próximo 4 de decembro ante o Compostela. A intención da xunta directiva do club e que sexa a propia Carmela Rafael, socio nº1 da entidade, a que faga a entrega dos obsequios ás dúas afeccionadas que acertaron a adiviña da campaña. Deste xeito, a xornada tamén servirá de recoñecementos para estas tres importantes seareiras do equipo.
Un dos premios da campaña é a camisola da nova equipación do Choco que foi estreada na vitoria do pasado domingo ante o As Pontes en Santa Mariña. A elástica mantén as características habituais da entidade co color vermello, pero engade varios elementos especiais que están relacionados coa historia do club e a vila de Redondela. O club tamén dispón dunha segunda equipación e dunha terceira. Nos vindeiros días, as prendas serán presentadas de xeito oficial.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *