Hoxe é Venres 27 de Novembro de 2020

Aprender a programar xogando

RR_Noticias

O Concello de Soutomaior pon en marcha o programa educativo “En clave tecnolóxica: aprende xogando” coa finalidade de fomentar un uso responsable do xogo a través da rede e de xeito educativo. Orientado a nenos de 4 a 7 anos as sesións desenvolveranse os xoves 17 e 24 de novembro e o 1 de decembro. Son independentes e para participar cómpre inscrición previa na OMIX de Soutomaior, no multiúsos de Arcade. Tamén este servizo ten aberto xa o prazo de inscrición para participar nun laboratorio tecnolóxico que se vai realizar nas vacacións de Nadal.

A Concellería de ensino de Soutomaior ten en marcha diferentes actividades que buscan fomentar a arte, a ciencia e a tecnoloxía entre nenos e mozos. Así, este mesmo xoves arranca o programa “En clave tecnolóxica” que busca potenciar as habilidades creativas e de resolución de problemas mediante tres sesións onde os nenos e nenas de 4 a 7 anos poderán achegarse a tres xogos que lles permitirán practicar contidos de lóxica, matemáticas, xeografía, literatura e  construción en 3D. Un monitor guiará o xogos para que poidan sacarlle o máximo partido e logo seguir xogando nas súas casas. As familias poden acompañar durante as sesións ós pequenos e, así, compartir o xogo para activamente participar na súa formación. Estes obradoiros realizaranse o xoves 17, 24 de novembro e o xoves 1 de decembro no Multiusos. Haberá que anotarse previamente na OMIX. Os interesados poden tamén inscribirse no Laboratorio tecnolóxico que se vai desenvolver os días 26 e 27 de decembro e o 2 e 3 de xaneiro. Orientado a nenos de 4 a 17 anos, os participantes realizarán experimentos científicos, cociña robótica, xogos, saídas artísticas traballarán co modelado en 3D e a programación con CODE. O prezo para participar deste laboratorio é de 5 euros os empadroados en Soutomaior, 15 euros o resto. A inscrición está aberta ata o 20 de decembro.  

Sonia Pintos OMIX
En clave tecnolóxica
Laboratorio tecnolóxico de Nadal
Actividades para o periodo de vacacións

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *