Hoxe é Sábado 28 de Novembro de 2020

Rodavigo SAR, suma e segue

RR_Noticias

Logo da vitoria ante o Seis do Nadal, o equipo de Elisardo Covelo “Chini” é lider da Honra Prata en solitario, e o único invicto da categoría. Neste comezo de liga están a superar todas as espectativas, e confían en garantir canto antes a permanencia para soñar con outras metas. O sábado viaxan a Canarias para medirse ao Morro Jable.

As xogadoras redondelás están a demostrar un excelente nivel de xogo. Na pasada xornada impuxéronse ás viguesas do Seis do Nadal nun gran encontro disputado no Pavillón da Marisma. As redondelás ocupan o posto máis alto da táboa en solitario. No que vai de liga contan todos os partidos por vitorias, e son as máximas anotadoras do campionato. Uns resultados que como recoñece o adestrador, son “moito mellores” do que estaba previsto. Esta División de Honra Prata está a ser moi competitiva, hai moita igualdade. A diferenza coa pasada campaña “non hai un equipo que sexa moi superior aos demais”, polo que a maioría dos encontros rematan con marcadores “moi axustados”. “Chini” augura que ata a recta final da liga non se saberá que equipos pasan á fase de ascenso. Mentres as de Redondela seguen adestrando e xogando a un gran nivel. O sábado viaxan a Canarias. Visitan a pista do Morro Jable, en Fuerteventura, equipo que debuta na Honra Prata e que se sitúa na metade da táboa. O técnico tan só as coñece de ver algún video dos seus partidos, e garda un partido “complicado”. O encontro será o sábado ás 20.00 horas.    

Elisardo Covelo "Chini" adestrador
O técnico salienta o bo comezo de temporada das xogadoras.
Liga competitiva
Chini fala dunha liga moi igualada e competitiva na Divisón de Honra Prata.
Morro Jable-Rodavigo SAR
O sábado viaxan a Fuerteventura para medirse ao Morro Jable que debuta na categoría.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *