Hoxe é Venres 29 de Marzo de 2024
Stations
NOTHING FOUND!
Current listeners: 
Peak listeners: 

O centro de saúde de Arcade queda sen pediatra ao non cubrir o Sergas as vacacións do facultativo

RR_Noticias

O alcalde de Soutomaior, Agustín Reguera esixe ao servizo galego de saúde que se cubra esta ausencia na maior brevidade de tempo e o Sergas alega que non hai sanitarios especialistas en pediatría dispoñibles para cubrir estas incidencias. O BNG cualifica a situación de “vergoñenta” ao deixar aos veciños da localidade indefensos nunha época do ano no que as doenzas infantís como febre e gripes provocan unha alta demanda deste servizo.

O rexedor local, Agustín Reguera trasladou o seu malestar ao Sergas por non cubrir as vacacións do pediatra do centro de saúde. Dende a institución sanitaria transmitíronlle que o problema responde a que “non hai sanitarios especialistas en pediatría para cubrir estas incidencias”. Lembráronlle que os nenos poden ser atendidos polos médicos de atención primaria nos casos leves e noutros casos seren derivados. Malia a resposta o alcalde esixe “que se cubra a ausencia aínda que sexa de forma parcial na maior brevidade para evitar os desprazamentos e o custe que supón aos veciños”.
No BNG comparten tamén a demanda de que o médico de vacacións sexa substituído de xeito urxente e critican que “o PP decida non contratar substitutos malia tratarse dun momento do ano no que as doenzas infantís provocan unha alta demanda do servizo”.
 

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará