Hoxe é Sábado 28 de Novembro de 2020

O BNG cualifica de “indecente” ao PP por manter pechado o Centro de Día de Cesantes

RR_Noticias

Membros do BNG de Redondela, acompañados pola candidata nacionalista ás eleccións galegas, Montse Prado, realizaron este mediodía un acto reivindicativo ante o Centro de Día de Cesantes. Alí esixiron ao goberno autonómico a súa inmediata apertura, unha vez que o edificio está rematado desde 2012.

A deputada Montse Prado cualificou de “indecente” a actitude do goberno de Feijóo, que mantén pechadas unhas instalacións “moi necesarias” para os veciños de Redondela. Lembra que hai xa catro anos que remataron as obras do edificio, e denuncia que malia as continuas promesas do Partido Popular, as instalacións seguen pechadas sen que haxa unha data para a súa posta en funcionamento. Advertiron os nacionalistas que o edificio, financiado con 2 millóns de euros de cartos públicos, presenta “un evidente estado de deterioro”, polo que será precisa unha nova partida orzamentaria para facer os arranxos necesarios. Unha situación que para Prado é unha “malversación” de fondos públicos por parte do goberno popular. A candidata ás eleccións do próximo 25 de setembro anunciou tamén o compromiso do BNG para poñer en funcionamento o Centro de Día de Cesantes “de inmediato” en función das responsabilidades que teñan despois dos comicios.  

Montse Prado BNG
Cualifican de indecente a postura do PP sobre o Centro de Día de Cesantes.
Deterioro do edificio
Prado fala de malversación de fondos públicos na xestión deste inmoble.
Compromiso do BNG
Os nacionalistas comprométense a abrilo de inmediato se teñen responsabilidade de goberno.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *