Hoxe é Sábado 31 de Outubro de 2020

Xeira arqueolóxica por Amoedo

RR_Noticias

A parroquia de Amoedo acolle hoxe unha nova edición da súa Xeira Arqueolóxica. O evento, organizado por veciños da parroquia, comezará ás 20:30 horas na Casa Cultural de Amoedo e estará guiado polo arqueólogo Xosé Lois Vilar, que centrará a visita nas mostras de arte rupestre e nos restos de túmulos funerarios que abundan nesta parroquia.

Jorge Álvarez, un dos organizadores, sinala que o obxectivo é dar a coñecer aos veciños o valor de todo o que teñen “á beira das súas casas”. Para iso, o evento constará de dúas partes. Unha primeira dunha hora de duración e que incluirá unha charla sobre os restos rupestres do municipio, e unha segunda de dúas horas que percorrerá unha parte da Senda Arqueolóxica de Amoedo, incidindo de maneira especial nos petroglifos e nas mámoas, como exemplo representativo da sociedade rupestre. Esta ruta nocturna vénse celebrando desde o ano 2012 coa única excepción do ano pasado, no que as condicións climatolóxicas impediron o seu desenvolvemento. En 2014 realizouse o percorrido da zona sur da senda, este ano realizarase a zona norte. Os organizadores recomendan aos interesados acudir con lanternas, roupa de abrigo e calzado adecuado para camiñar polo monte. A xeira arqueolóxica de Amoedo ten unha lonxitude total de 13,3 km e unha dificultade media para sendeiristas.  

Jorge Álvarez organizador
Unha excelente ocasión para coñecer os tesouros arqueolóxicos de Amoedo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *