A Copa Galicia de Balonmán Masculino 2016 comeza esta fin de semana coa participación de 19 equipos pertencentes a Asobal, División de Honra Prata e Primeira Nacional. O Frigoríficos do Morrazo defende o título acadado o pasado ano en Viveiro.
O primeiro partido para os de Fran Teixeira será mañá sábado ante o Rasoeiro, no Pavillón Monte da Vila Novo, ás 18.00 horas. A SAR mídese ao OAR Coruña en Redondela, hoxe venres ás 22.00 horas no Pavillón A Marisma. Se pasa a eliminatoria cruzaríase co Calvo Xiria no Pavillón Municipal de Pontevedra. O BM Chapela Rodosa, de gañar o partido en terras mecas, enfrontaríanse en Cangas ao vencedor da eliminatoria entre BM Porriño e Servi-Auto Bueu.
