Hoxe é Martes 20 de Outubro de 2020

Medio Ambiente non prohibirá o baño en Arealonga malia que Europa recomenda a súa clausura

RR_Noticias

A Comisión Europea incluíu o areal de Chapela entre as 31 praias de todo o estado que deberían pecharse ao baño pola mala calidade das súas augas. Unha recomendación que o concelleiro de medio Ambiente, Miguel Angel Alvarez Ballesteros, non ten previsto acatar por entender que mergullarse na praia de Arealonga non supón ningún risco para a saúde. Así, atendendo ás análises feitas pola Xunta de Galicia “nas que se constata que a auga do areal ten mellorado nos últimos anos” non teñen previsto prohibir o baño nesa praia de Chapela.

A Axencia Europea de Medio Ambiente (AEMA) recomenda pechar permanentemente ao baño 31 praias de todo o estado por seren reincidentes durante os últimos cinco anos en canto á baixa calidade das súas augas. Nesa situación atoparíase a praia de Arealonga. Malia esa advertencia, o edil de medio Ambiente asegura que os usuarios desta praia poden gozar do baño tranquilamente. Explica o edil que a recomendación europea sobre prohibir o baño nesta praia “responde a que Europa aconsella que aqueles areais que durante cinco anos dan unha calidade insuficiente sexan clausurados, pero nós transmitimos unha mensaxe de tranquilidade porque a auga é incluso mellor que hai anos, os resultados seguen a ser negativos porque se elevaron os niveis de esixencia” Engade que aínda que a calidade non sexa óptima “tense mellorado grazas a diferentes intervencións que eliminaron varios puntos de vertidos e nesa liña vaise continuar con novas obras na zona de Pasán e Ponteseca”. Alvarez Ballesteros asegura que “en ningún momento se pensou na posibilidade de prohibir o baño” aínda que si recoñece que está xa colocado o cartel de “non recomendable” por indicación da Consellería de Sanidade.  

MIguel Alvarez Ballesteros edil de medio ambiente
Asegura que a auga en Arealonga mellorou malia a dvertencia europea
Eliminar vertidos
Estanse a realizar obras nese sentido
Non recomendable
Colocouse un cartel de non recomendable pero non se contempla pechar o areal

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *