Hoxe é Mércores 2 de Decembro de 2020

O Choco despide a liga cunha derrota no campo da Grela, e coa cabeza na fase de ascenso

RR_Noticias

Un bo traballo defensivo do Silva impediu aos de Marcos Montes dispoñer de ocasións claras no partido disputado no campo da Grela. No fútbol sala o Campito, campión de liga, despediuse cunha derrota ante o Mondariz. O Arealonga perdeu co García Araújo e o Redondela F.S. goleou ao Baíña.

Terceira División
Silva 1-0 Choco
A vitoria do Deportivo B deixaba aos redondeláns sen opcións de acadar a terceira praza. O Choco tivo contadas ocasións ante a portería rival. O seu mellor momento foi nos primeiros minutos da segunda parte, cun centro de Carminatti a Fernán, que detivo o porteiro loca cunha gran actuación. Cinco minutos despois atallanba outro lanzamento de Fernando. Logo de deter estes envites do Choco, o Silva anotaba o único tanto do encontro. Diego Costa, de forte disparo dentro da área a pase de Iván Patiño, remataba unha boa xogada iniciada por Kevin cun centro á área. Os redondeláns finalizan a tempada en cuarta posición, e esta tarde esperan o sorteo da primeira eliminatoria da fase de ascenso. O partido de ida xogarase en Santa Mariña, e o máis probable é que toque un segundo clasificado ou un terceiro nesta primeira eliminatoria.
Segunda Autonómica
Choco 0-0 Vilariño
O Choco, que é 3º, empatou sen goles. Despedirá a liga no campo do Gondomar, da metade baixa da táboa
A Guía 3-2 Chapela
O Chapela mantén a 11ª posición logo da derrota no campo do Guía. O domingo despedirán a liga diante da súa afección ante o Alcabre, equipo situado na metade baixa da táboa.
 
Fútbol Sala Liga Galega Sur

Campito 3-5 Mondariz
O Campito, que a pasada xornada se proclamara campión de liga, perdeu o último partido ante o Mondariz. Malia a derrita, os de Chapela festexaron coa súa afección o título de liga, que lles permite o salte á Terceira División. Logo do éxito deportivo, a directiva deberá traballar para consolidar un orzamento que lles permita afrontar o reto da nova categoría, para o que buscan un novo patrocinador.
Bar Praza García Araújo 4-2 Arealonga
O Arealonga despediu tamén con derrota esta liga, mermado polas baixas, e rematou na 9ª praza do grupo.
Redondela 6-1 Baíña
O Redondela F.S. foi o único equipo local que despediu a liga cunha vitoria, fíxoo ante a súa afección e cunha goleada ante o Baíña, o que lles permite pechar un ano de moita inestabilidade na 7ª praza.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *