Hoxe é Sábado 31 de Outubro de 2020

Concerto de Tatán na Praza da Casa da Torre para abrir o Festival de Títeres

RR_Noticias

O concerto, que terá lugar hoxe luns 16 ás 23:00h na Casa da Torre, dará o pistoletazo de saída a toda unha semana chea de teatro de monicreques, na que participarán 26 compañías. Tamén hoxe inaugúrase a exposición “Un festival de portada” ás 20:00h na sala de exposicións do Multiúsos da Xunqueira. Redondela gozará mañá dunha xornada de intensa actividade de rúa co gallo do festivo das Letras Galegas. Ademias da programación titiriteira a música volverá a Casa da Torre coa compañía De Vacas.

A XVII edición do Festival Internacional de Tïteres de Redondela (Memorial Juanjo Amoedo) arrancará este luns cun concerto especial a cargo do coñecido titiriteiro Tatán e a súa banda, no que se poderán escoitar a ducia de temas que compoñen o seu CD “Chapeu”. Confórmano cancións escritas para contar historias, e que, ao igual que o seu creador, gardan unha grande relación co mundo do teatro e os monicreques. O concerto, que terá lugar ás 23:00h na Casa da Torre, contará cunha formación musical encabezada por Tatán na voz, Pablo Vidal no contrabaixo e a guitarra, Alberto Vilas no piano, Noli Torres na batería, Felipe Castro no saxo, Manu Paino na trompeta e Blanca Francés nos coros. Na primeira xornada de Festival inaugurarase tamén a exposición “Un festival de portada”, no que se recollen os mellores artigos de prensa das 16 edicións anteriores, a través dos cales se poderá seguir a evolución do Festival dende o ano 2000 ata a actualidade, e o seu impacto sociocultural na bisbarra. O acto de presentación será ás 20:00h na sala de exposicións do Multiúsos da Xunqueira e a mostra estará aberta ao público no horario de apertura do recinto ata que remate o Festival. O martes, 17 de maio,  Redondela encherase  de monicreques e música na completa programación preparada para festexar o Día das Letras Galegas. Máis de 20 representacións teatrais e musicais encherán as rúas e prazas da vila a partir das doce do mediodía.  A programación de sala déixanos mañá ous espectáculos, as 17:00 horas Luppo de Baobab teatro e ás 21:00 horas Mirlo&Rula de Cinema Sticado.  

Eduardo Rodríguez Cunha Tatán
O crooner redondelán
Luís Crespo Festival de títeres
baobad teatro tamén é outra mostra da presenza de redondeláns no mundo dos monicreques

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *