Hoxe é Mércores 25 de Novembro de 2020

O concello inviste 42.000 euros na reparación da cuberta e a fachada do mercado de Chapela

RR_Noticias

As obras consistirán no cambio de placas de fibrocemento e tella xunto coa substitución de canalóns e baixantes. Na fachada tamén se levará a cabo unha actuación que consistirá no arrexuntado dos muros de cantería. O importe da actuación ascende a 42.000 euros que serán financiados con cargo ao orzamento do concello.

Con esta actuación a concellería de mercados quere solucionar os problemas de filtracións que estaban a sufrir os praceiros co obxecto de que poidan traballar nun entorno cómodo e sen problemas de humidades.
O Concelleiro Jesús Crespo tamén contempla nos próximos días unha actuación na praza de cambio de luminarias xa que as existentes desprenden calor e poden prexudicar ao produto fresco. Faranse probas con distintos tipos de luminarias para ver cal se adapta mellor ao lugar e se instalará un ventilador para de que cara ao verán non faga tanto calor e haxa ventilación dentro da praza.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *