Os dous concertos que se celebraron o domingo no Multiúsos da Xunqueira colgaron o cartel de non hai entradas. Uns espectáculos conxuntos da Orquestra de Saxos e o cómico e dramaturgo Moncho Borrajo que serven para recadar fondos e poder financiar a xira europea que no vindeiro mes de maio levará á formación redondelá a Holanda e Alemania, países nos que ofrecerán diversos concertos.
O éxito da gala que se vivía na tarde noite do domingo en Redondela leva á Orquestra de Saxos a comprometerse en seguir colaborando activamente con Moncho Borrajo, quen de xeito desinteresado participaba desta iniciativa para recadar fondos que permitan a formación redondelá financiar a xira europea que iniciarán o vindeiro 5 de maio.
