Hoxe é Mércores 25 de Novembro de 2020

Radio Polorri organiza unha festa en Diva con actuacións en directo

RR_Noticias

A Radio Municipal de Redondela comezará a emitir este sábado na medianoite o programa “Radio Polorri. A canción de Xan Carallás” no que semana tras semana as voces de Ana Area e Miguel Borines serán os encargados de guiar aos ouvintes a través da historia da música popular feita en Redondela no últimos cincuenta anos. Para celebrar o inicio das emisións organizan hoxe unha festa concerto a partir das 22:00 horas na Discoteca Diva.

Retroblues, Os Walter Mathaus, Tok, RMS, Sete Cuntas e Tatán serán os encargados de animar esta festa concerto que se celebra esta noite ás dez na discoteca Diva organizada polos promotores do programa radiofónico Radio Polorri: A Canción de Xan Carallás.
Unha actividade previa a primeira das emisión radiofónicas que terá lugar mañá sábado ás doce da noite a través da emisora municipal (94.9). Os programas poderán escoitarse novamente os luns ás dez da noite. Miguel Borines e Ana Area será os encargado de conducir este percorrido pola música local por onde pasarán, nesta primeira tempada, grupos e artistas tan populares como Salomón, Suso Ben, 3bajo Cero, Tok, la Gripe…
Na primeira entrega do programa, os presentadores entrevistarán os tres impulsores desta iniciativa radiofónica: Pedro Pérez, Alfonso Conde (Fon) e Álvaro Gil (Varo). Ademais, falarán con José Ángel Xesteira sobre a orixe dalgunhas das cancións máis populares do municipio. Os podcast poderán escoitarse na páxina web de Radio Redondela (www.radioredondela.com).
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *