Hoxe é Martes 24 de Novembro de 2020

Un Chapela-SAR para festexar a permanencia

RR_Noticias

O balonmán feminino despide a liga co derbi Rodosa Chapela-SAR Rodavigo. Un broche de ouro para o campionato na División de Honra Prata, no que os dous equipos redondeláns conseguiron o obxectivo da permanencia. A cita é no pavillón municipal de Chapela, ás 16.30 horas.

A Federación permitiu o cambio de horario e disputar o encontro máis cedo para permitir aos afeccionados asistir logo á Copa da Raíña de Balonmán que se disputa no Porriño. As pupilas de Jose Luios Martínez, Lupo, chegan a este último partido con ganas de desquite logo da derrota no derbi da primeira volta. Un partido que será ademais unha verdadeira festa do balonmán feminino redondelán, logo de que os dous equipos acadaran a permanencia na segunda división estatal. Para Lupo é “un alivio” chegar a esta cita cos deberes feitos e sen que ningún dos dous equipos se xogue xa nada. Para as de Chapela esta foi unha temporada dura, con dúas derrotas na pasada fin de semana ante Camargo e Xixón, logo de entrar nunha “dinámica negativa”, tanto a nivel de resultados como anímica. O técnico explica que ás xogadoras “faltoulles confianza” e os nervios xogáronlles “malas pasadas” ao longo do campionato. Con todo, conseguiron salvar a categoría, e Lupo confía en que esta experiencia lles sirva para mellorar de cara á próxima temporada. Malia os resultados, o adestrador amósase “moi satisfeito” co traballo das xogadoras e a súa implicación nos adestramentos. Por iso o seu obxectivo para a próxima temporada é “manter o grupo” e se é posible, poder contar con algún reforzo.  

Jose Luis Martínez Lupo adestrador
O técnico recoñece que foi unha temporada dura con dinámicas negativas e na que loitaron pola permanencia ata o final.
Chapela-SAR
Para o técnico é un alivio chegar ao último encontro sen ter que xogarse nada no derbi.
Próxima temporada
De cara á próxima temporada Lupo confía en poder continuar co mesmo grupo incorporando algún reforzo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *