Hoxe é Xoves 3 de Decembro de 2020

Pazos de Borbén reclama que se incremente a atención pediátrica no Concello

RR_Noticias

O goberno local de Pazos de Borbén solicita ao Servizo Galego de Saúde (Sergas) a mellora do servizo médico de pediatría, xa que considera que a atención que presta na actualidade, tan só dous días á semana, é insuficiente para atender a uns 300 pacientes potenciais. O alcalde Andrés Iglesias, traladou esta demanda ao delegado da Xunta en Vigo, Ignacio López-Chaves, nunha reunión celebrada onte.

A principal solicitude centrouse no servizo de pediatría, un servizo que actualmente contempla catro horas semanais repartidas en dous días e atende a máis dun centenar de nenos, tendo 300 nenos como pacientes potenciais. A solicitude centrouse en asegurar a presenza da pediatra todos os días da semana, cun mínimo de catro horas diarias, para poder garantir un adecuado servizo para todos os veciños do municipio.
O alcalde tamén trasladou ao delegado a necesidade de garantir o servizo médico cando a titular atópese en situación de baixa laboral ou período vacacional mediante unha substitución temporal, xa que actualmente non sucede desta maneira, ocasionando molestias entre a veciñanza que se ve obrigada a trasladarse.
Por último, o rexedor local solicitou a intervención do delegado da Xunta para que leve a cabo a obra de ampliación e mellora do centro de saúde de Pazos de Borbén como se acordou co Sergas. Unha actuación que dote ao centro de maior amplitude e permita mellorar os servizos e as condicións do mesmo para adecuarse ás crecentes necesidades dos veciños.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *