Hoxe é Domingo 29 de Novembro de 2020

O XVI certame da Camelia de Soutomaior contará coa participación de 55 expositores

RR_Noticias

A cita anual celébrase esta fin de semana no Castelo de Soutomaior, espazo que se converte un ano máis no escenario perfecto para este Certame. Este ano a mostra contará con máis de 30 expositores locais e 25 doutros municipios, superando así as 60 composicións florais e confirma o éxito de participación desta edición.

O alcalde de Soutomaior, Agustín Reguera, e a edil de Cultura e Turismo, Dolores Cernadas, presentaron no Castelo de Soutomaior a XVI edición do Certame da Camelia que se celebra este fin de semana. A mostra abrirá as súas portas o sábado en horario de 16:00 a 20:00 horas mentres que o domingo a mostra estará aberta desde as dez da mañá.
Os asistentes poderán achegarse a un total de 30 expositores locais e 25 procedentes doutros municipios. Haberá tamén participación dos alumnos dos colexios Santiago Apostol e a Escola de Romariz de Soutomaior que competirán este ano coas súas exposicións e coa beleza e orixinalidade cos escaparates de varios comercios locais.
O xurado está formado por membros da Asociación Española da Camelia e o seu fallo e a entrega de premios terá lugar ás 18:00 horas do domingo.
Desde o Concello de Soutomaior destácase a colaboración prestada pola Deputación de Pontevedra para a celebración do certame mediante a cesión do recinto do Castelo ademais dalgúns premios.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *