Hoxe é Luns 24 de Xuño de 2024
Stations
NOTHING FOUND!
Current listeners: 
Peak listeners: 

25 afeccionados en Redondela crían aves en catividade

RR_Noticias

O número de afeccionados a ornitoloxía descendeu nos últimos tempos a causa da crise, xa que atender a estes animais proporcionándolles cun espazo en condicións e suficientemente amplo para garantir o seu benestar supón un desembolso que non todos os petos poden asumir. Con todo, a Sociedade Redondelá de Ornitoloxía, que preside Juan Luis Ferradás, continúa en activo logo de dúas décadas dende a súa fundación. Actualmente son 25 os seus integrantes e prepáranse para asistir esta fin de semana ao X Congreso internacional de aves silvestres que se celebra os días 12 e 13 no Rosal.

Para Ferradás a afección pola ornitoloxía naceu de xeito casual, cando un periquito entrou pola fiestra da súa casa. A partir dese momento internouse no mundo da cría destes pequenos animais e tamén nos concursos “cheguei a facer con algún premio en concursos internacionais, o cal foi toda unha sorpresa para min”. Coidalos, atendelos, manter as súas gaiolas limpas e lograr que críen forman parte do seu día a día. Un traballo que leva aparellado tamén un custe económico. “Ter unha parella de periquitos non supón diñeiro, pero ter corenta como cheguei ter eu, xa é o outra cousa” confesa o presidente da Sociedade Redondelá. Este colectivo, que chegou a ter máis de 50 integrantes, conta na actualidade coa metade de socios pero están abertos a novas incorporacións. Esta fin de semana todos estes afeccionados teñen unha cita no Rosal, municipio non que se celebra o X Congreso internacional de aves silvestres coa presenza de grandes criadores e expertos en ornitoloxía procedentes de Mexico, India , Australia ou Portugal “un país cunha grande tradición ornitolóxica”. Un congreso organizado por Aviornis con asistencia gratuíta tanto a socios como non socios que se desenvolverá no auditorio municipal de o Rosal este sábado e domingo.  

Juan Luis Ferradás Sociedade Redondelá de Ornitoloxía
Actualmente son 25 os membros da Sociedade
Congreso internacional
Na fin de semana no Rosal

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará