Hoxe é Venres 23 de Outubro de 2020

As mulleres do téxtil toman a palabra no documental Fíos Fóra que se proxecta no Multiúsos

RR_Noticias

A organización xuvenil Isca! organiza este venres a proxección do documental Fíos Fóra (historias de obreiras, entre costuras e patróns), un audiovisual que percorre a historia do téxtil galego desde os anos 70 ata a actualidade a través de testemuños de persoas do sector. A reportaxe é obra da produtora Illa Bufarda e de Amarante Setem e poderá verse este venres no Multiúsos da Xunqueira ás 20:00 horas con entrada de balde.

O documental recolle testemuños de seis costureiras, entre elas dúas extraballadoras de Regojo de Redondela, que representan a esas tantas “mulleres galegas que traballaron no sector téxtil dende os 60 e que foron a man de obra perfecta e cativa para erguer unha industria xigante que agora se atopa deslocalizada”. Parte dos testemuños aparecen identificados só con iniciais e fóra de cámara. Tamén se recollen testemuños de traballadoras marroquís e algúns aparecidos en redes sociais como YouTube porque “a historia repítese nos fíos doutros lugares” Tamén aparecen no relato representantes do Igape, o clúster do sector e empresarios. Non así de Inditex, que protagoniza gran parte do filme e que, como o resto das empresas do sector é moi criticada, segundo dise no vídeo, por ter trasladado a súa produción a países estranxeiros. Desde Isca! organizan a presentación deste documental, en colaboración coas protagonistas e colaboradoras do mesmo, en Redondela o vindeiro venres 26 de febreiro ás 20:00 horas no Multiusos de Redondela (Paseo da Xunqueira). Posteriormente terá lugar un coloquio con persoas responsábeis do documental.  

José Rodríguez Gómez Isca!
As mulleres son as protagonistas da Fíos Fóra
Proxección e coloquio
Ao documental seguiralle unha charla coloquio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *