Hoxe é Xoves 18 de Xullo de 2024
Stations
NOTHING FOUND!
Current listeners: 
Peak listeners: 

Ilusionismo e maxia de proximidade no Multiúsos

RR_Noticias

Arranca a V edición do festival Búrbida Maxica con tres venres consecutivos cargados de xogos e trucos imposibles no Multiusos da Xunqueira. A primeira cita hoxe mesmo coa actuación dos magos Noel Fandiño, Germán Martínez e Román García a partir das 21:00 horas con entrada de balde.

Unha proposta dirixida ao público en xeral pero pensada especialmente para o sector adolescente que arranca con tres artistas especializados na maxia de proximidade pero con estilos diversos. Así, “o pontevedrés Noel Fandiño proponnos unha mestura de maxia e malabares,  o vigués German Martínez é un especialista en Jazz magic, con xogos, manipulacións e rutinas da nova escola e por último, o prato forte da xornada, o santiagués Román García, un mago que sorprende sempre con propostas creativas” explica o organizador do festival Eloy Crespo. Un programa que se afasta dos espectáculos tradicionais nos que o público senta diante dunha actuación. A organización crea aquí tres espazos diferentes nos que tres magos farán os seus números de ilusionismo. Os espectadores, divididos en grupos reducidos, achegaranse a esas salas para marabillarse coas súas propostas. O ciclo Búrbida Máxica continuará os venres 19 e 26 con novas propostas e novos protagonistas.  

Eloy Crespo Búrbida Máxica
Tres magos diferentes
Público itinerante
O espectador achegarse aos magos que permanecerán en salas diferentes

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará