Hoxe é Sábado 28 de Novembro de 2020

Chegan ao Multiúsos “Os contos que non che contaron” con Paula Carballeira

RR_Noticias

Baixo o título “Os contos que non che contaron”, Paula Carballeira presentaranos historias e contos que nos achegan á literatura oral, a expresión máis auténtica da cultura popular en lingua galega. Unha actividade enmarcada dentro do programa Lareta que organiza Normalización Lingüística este sábado ás 20:00 horas no Multiusos.

Licenciada en Filoloxía Hispánica, e con estudos de lingua portuguesa e de especialización en arte dramática, dende 1994 traballa como narradora oral e ten participado en programacións culturais e festivais de oralidade de España, Portugal, Brasil e Chile. Na súa faceta como actriz está vencellada ao grupo de teatro Berrobambán e tamén traballa en series de ficción para televisión. Ademais ten desenvolvido diversos cursos e obradoiros de oralidade e animación á lectura. O prezo da entrada xeral é de 5 € e da reducida 3 € (para persoas desempregadas, xubiladas, estudantes e menores de 18 anos). A programación é recomendada para maiores de 16 anos e o comezo das funcións é ás 20.00 h, no Auditorio da Xunqueira. A venda de entradas anticipadas farase dende dous días antes a cada función no multiúsos da Xunqueira, e dúas horas antes ao comezo do espectáculo na propia billeteira.  

Paula Carballeira actriz
Unha revisión humorística tamén dos contos tradicionais

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *