Hoxe é Domingo 18 de Abril de 2021

Espectacular persecución a 140km/h polas rúas de Redondela

RR_Noticias

A persecución iniciouse logo de que unha dotación policial descubrira un camión roubado estacionado na beirarrúa da avenida do aeroporto. O condutor, un veciño de Mos de 33 anos de idade con numerosos antecedentes policiais, iniciou unha desenfreada fuxida a 140 quilómetros por hora. Ao chegar ao casco urbano o vehículo internouse nunha rúa e impactou contra unha furgoneta que se atopaba estacionada no lugar, momento no que o detido iniciou unha fuxida a pé ata que foi interceptado por tres axentes que o detiveron na rúa Miña. Pasou a disposición xudicial por un delito de roubo de vehículo e outro contra a seguridade do tráfico.

Os feitos tiveron lugar a última hora da mañá do pasado luns cando unha dotación policial que patrullaba polas inmediacións do IFEVI decatouse da presenza dun camión cuxo roubo fora denunciado horas antes. O condutor, ao decatarse da presenza policial, iniciou unha fuxida que o levou a percorrer as estradas N-555 e N-550 superando os 140 quilómetros hora e poñendo en perigo tanto a súa propia integridade como a dos outros usuarios da vía, pisando liñas continuas, adiantando en zona sen visibilidade e obrigando ao resto dos vehículos a botarse a beiravía para non colidir.
Xa na entrada de Redondela o condutor xirou polo Camiño Antiga Vía do Tren onde impactaría contra unha furgoneta que se atopaba estacionada ao final da rúa. Iniciouse a continuación unha persecución a pé que levou ao condutor a Rúa Pedro de Montao e a Rúa Ernestina Otero sendo finalmente detido na Rúa Miña.
Unha vez en dependencias policiais a policía comprobou que o detido tiña 79 antecedentes ademais dunha orde de busca e captura e estaba pendente do seu ingreso en presión. O detido pasou a disposición do xulgado de instrución en función de garda de Vigo.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *