Hoxe é Luns 20 de Setembro de 2021
History
Stations
NOTHING FOUND!

Reclaman a recuperación do cargadoiro de mineral de Rande

RR_Noticias

O PSOE de Redondela salienta a importancia do patrimonio industrial como parte integrante da nosa historia e demandan medidas encamiñadas a recuperar o cargadeiro coñecido como “Coto Wagner”, deteriorado pola falta de conservación e por acción vandálicas. Critican que o PP rexeitase as emendas para a recuperación deste patrimonio cultural nos orzamentos do Estado.

O cargadoiro de mineral de Rande formado por tres plataformas unidas a terra por unha estrutura metálica que dispuña dunha cinta transportadora pertencía á empresa “Minerosiderúrgica de Ponferrada, S:A.” e empregábase para embarcar ferro que chegaba por tren procedente de Coto Wagner e carbón das minas de Larciana e o Bierzo. Uns minerais que eran exportados a outros países, como Inglaterra e Alemaña, e que estivo operativo ata 1987.
Explican os socialistas que as estructuras que se crearon nun inicio para a actividade industrial, pouco a pouco, vanse considerando parte do noso Patrimonio Cultural pro ese motivo “non podemos negar o importante papel deste elementos na evolución dos nosos pobos e na formación de paisaxes. O patrimonio industrial, convertese así, en memoria histórica que se manifesta diferentemente segundo a época, grao de desenvolvemento, sectores de actividade,etc”, en palabras  do edil socialista Leonardo Cabaleiro.
O cargadoiro, situado nun punto nodal nas visitas turísticas da Ría de Vigo, sofre un progresivo deterioro pola falta de conservación e nalgún caso por mor do vandalismo. Por este motivo “presentamos emendas aos orzamentos do Estado para mellora deste patrimonio industrial, as cales foron rexeitadas polo PP en Madrid e finalmente levamos unha moción en Redondela en prol da posta en valor do patrimonio non só industrial, senón cultural”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *